ພະ​ແນກ ໄປ​ສະ​ນີ,ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ ໄດ້​ຈັດ​ກອງ​ປະ​ຊຸມ ສະຫຼຸບ​ລາຍ​ງານ​ຜົນ​ຂອງ​ການ​ລົງ​ເຄື່ອນ​ໄຫວ​ກວດ​ກາ,ເກັບ​ກຳ​ຂໍ້​ມູນ ການ​ເຊື່ອມ​ຕໍ່​ເຄື່ອ​ຂ່າຍການ​ນຳ​ໃຊ້​ອິນ​ເຕີ​ເນັດ​ພາຍ​ໃນ​ເທດ​ສະ​ບານ​ເມືອງ ທ່າ​ແຂກ ແລະ ເມືອງ​ໜອງ​ບົກ.

     ເຊີ່ງ​​ເປັນ​ປະ​ທານກອງ​ປະ​ຊຸມ​ຂອງ ທ່ານ ໄທ​ຍະ​ພອນ ສິງ​ທອງ ຫົວ​ໜ້າພະ​ແນກ ປ​ທ​ສ ​ແຂວງ, ໂດຍ​ມີ​ຄະ​ນະ​ພະ​ແນກ ປ​ທ​ສ ແຂວງ,ຮອງ​ຫົວ​ໜ້າ ​ສັນ​ຕິ​ບານກອງບັນຊາການ ປກສ ແຂວງ,​ຄະ​ນະ​ອຳ​ນວຍ​ການ​ສາ​ຂາ​ບໍ​ລິ​ສັດ​ລັດ​ວິ​ສາ​ຫະ​ກິດ​ທີ​ໃຫ້​ບໍ​ລິ​ການ​ທາງ​ດ້ານ​ໂທ​ລະ​ຄົມ​ພາຍ​ໃນ​ແຂວງ​ພ້ອມ​ດ້ວຍ​ວິ​ຊາ​ການ ຂະ​ແໜງ​ການ​ພາກ​ສ່ວນ​ທີ່​ກ່ຽວ​ຂ້ອງ​.

      ກອງ​ປະ​ຊຸມ​ໄດ້​ຮັບ​ຟັງ​ການ​ລາຍງ​ານ​ຂອງ​ຄະ​ນະ​ວິ​ຊ​າ​ການກ່ຽວ​ກັບການ​ເຄື່ອນ​ໄຫວ​ລົງ​ກວດ​ກາ,ເກັບ​ກຳ​ຂໍ້​ມູ​ນ​ການ​ເຊື່ອມ​ຕໍ່​ເຄື່ອ​ຂ່າຍອິນ​ເຕີ​ເນັດ, ການ​ບໍ​ລິ​ການ​ອິນ​ເຕີ​ເນັດ​ຂອງ​ເຄື່ອ​ຂ່າຍ​ຕ່າງ​ປະ​ເທດ​ພາຍ​ໃນ​ເທດ​ສະ​ບານ​ເມືອງ​ທ່າ​ແຂກ ແລະ ພາຍ​ໃນ​ເທດ​ສະ​ບານ​ເມືອງ​ໜອງ​ບົກ​ໃນ​ໄລ​ຍະ​ຜ່ານ​ມາ​​ທີ່​ສາ​ມາດ​ປະ​ຕິ​ບັດ​ໄດ້, ເຫັນ​ໄດ້​ດ້ານ​ດີ, ດ້ານ​ອ່ອນ, ຂໍ້​ຄົງ​ຄ້າງ ແລະ ວີ​ທີ​ແກ້​ໄຂເພື່ອສືບ​ຕໍ່​ເຄື່ອນ​ໄຫວ​ວຽກ​ງານ​ດັ່ງ​ກ່າວ.

    ກອງ​ປະ​ຊຸມ​ກໍ່​ໄດ້ຄົ້ນ​ຄວ້າ,​ ປຶກ​ສາ​ຫາລື, ແລກ​ປ່ຽນ​ຄຳ​ຄິດ​ຄຳເຫັນ ແລະ ໃຫ້​ຄະ​ນະ​ວິ​ຊາ​ການ​ສະ​ຫຼຸບ​ສັງ​ລ​ວມ​ຄືນ​ກ່ຽວ​ກັບ​ການ​ລົງ​ກວດ​ກາ, ເກັບ​ກຳ​ຂໍ້​ມູນ​ການ​ເຊື່ອມ​ຕໍ່​ເຄ​ື່ອ​ຂ່າຍ​ອິນ​ເຕີ​ເນັດ ແລະ ການ​ໃຫ້​ບໍ​ລິ​ການ​ອິນ​ເຕີ​ເນັດ ຂອງ​ເຄື່ອ​ຂ່າຍ​ຕ່າງ​ປະ​ເທດ​ໃນ​ໄລ​ຍະ​ຜ່ານ​ມາ, ຈຸດ​ເປົ້າ​ໝາຍ​ທີ່​ມີ​ຄວາມ​ຫຍຸ້ງ​ຍາກ​ໃນ​ການ​ຈັດ​ຕັ້ງ​ປະ​ຕິ​ບັດ ແລະ ຈຸດ​ເປົ້າ​ໜາຍ​ຕ່າງໆ​ທີ່​ເປີດນຳ​ໃຊ້​ພາຍ​ໃນ​ແຂ​ວງ ເພື່ອ​ລາຍ​ງານ​ຕໍ່ຄະ​ນະ​ຊີ້ນຳເພື່ອລາຍງານໃຫ້​ແຂວງ​ໄດ້​ຮັບ​ຊາບ.

ຂຽນ​ໂດຍ:ທ່ານ ຈັນ​ທະ​ກອນ ພິ​ລາ​ຈັນ